| Series: | General Knowledge Book |
| Publisher: | NA |
| Genres: | អត្ថបទអក្សរសិល្ប៍ខ្មែរ |
| Authors: | NA |
| Pages: | 155 pages |
| Binding: | Softcover |
ទសជាតក ឫក៏ អក្សរសិល្ប៍ពុទ្ធនិយមសុទ្ធ គឺជាប្រភេទអក្សរសិល្ប៍ ក្នុងអក្សរសិល្ប៍ពុទ្ធនិយម ដែលមានក្នុងព្រះត្រ័យបិដក មានរឿងទសជាតក និងរឿងសតជាតក ។ ដែលរួមមាន ១០រឿង ហៅថា ទសជាតក ។
ពាក្យថា ទសជាតក គឺជាប្រវត្តិរឿងរ៉ាវអតីតជាតិ របស់ព្រះសក្យមុនីគោតម បរមសម្ពុទ្ធក្នុង ១០ ព្រះជាតិ មុនព្រះជាតិ ដែលបានត្រាស់។ រឿងនេះប្រភពដើមជាភាសាបាលី មាននៅក្នុងគម្ពីរខុទ្ទកនិកាយជាតក មហានិបាត ដែលពុទ្ធសាសនិកទាំងបព្វជិត និងគ្រហស្ថមានជំនឿថាជាព្រះពុទ្ធវចនៈ ពិតប្រាកដ ដែលមានមកជាងពីរពាន់ឆ្នាំហើយ។
សេចក្ដីនៃព្រះពុទ្ធវចនៈគ្រប់តែជាតក សុទ្ធតែជាគាថាខ្លី លំបាកប្រែ ពិបាកយល់ ។ ឯសេចក្ដីក្នុងអដ្ឋកថា ដែលជាការពន្យល់នូវពាក្យជាព្រះពុទ្ធវចនៈ នោះទើបងាយយល់ ហើយជារបៀបចងក្រងរឿងជាតកយ៉ាងក្បោះក្បាយផង។ អ្នកប្រាជ្ញបុរាណក្នុងកម្ពុជរដ្ឋបានប្រែជាសម្រាយ យ៉ាងពិស្ដារតាមអដ្ឋកថា ចែកចេញជា ១០ គម្ពីរស្លឹករឹតដែលរួមគ្នាហៅថា "គម្ពីរទសជាតក" ផ្ទុកទៅដោយឧត្ដមគតិ ដំបូន្មាន និង ភាសិតដ៏សំខាន់ៗ។ គម្ពីរទសជាតកជាគ្រឿងនិយមរាប់អាន នៃពុទ្ធសាសនិកជនទូទៅក្នុងកម្ពុជរដ្ឋ (ប្រទេសថៃ និង លាវក៏រាប់អានដូចគ្នាដែរ) ។
ធនធានមនុស្សជាកម្លំាងចលករមួយចំាបាច់បំផុតក្នុងការអភិវឌ្ឍប្រទេសជាតិ។ គោលដៅរបស់យើងគឺការកសាងធនធានមនុស្សឱ្យក្លាយជាពលរដ្ឋល្អពេញលេញ ដែលប្រកបដោយចំណេះដឹង សីលធម៍ និងជំនាញ។ ដើម្បីសម្រេចគោលដៅនេះក្រុមការងារខិតខំស្វែងរកនូវសៀវភៅ និងអត្ថបទល្អៗសម្រាប់ជាឯកសារស្រាវជ្រាវ ពង្រឹងសមត្ថភាពដល់សិស្ស និស្សិត លោកគ្រូ អ្នកគ្រូ ក្នុងការបង្រៀន និងរៀន ដើម្បីអភិវឌ្ឍចំណេះដឹង បំណិន និងចេះស្រឡាញ់ការសិក្សា។
សៀវភៅនេះចែកជូនជា PDF File ចំពោះការបោះពុម្ភផ្សាយផ្សេងៗយើងខ្ញុំសូមមិនទទួលខុសត្រូវនោះទេ។
លោកអ្នកអាចទាញយកដោយសេរី
សម្រាប់មិត្តអ្នកអាន៕
